هل تدفع عائلات المشاهير الثمن.. حنان ترك تكشف معاناتهم
![](https://www.elhadota.com/wp-content/uploads/2022/05/2-710x405.jpg)
يتعرض الفنانين والمشاهير، للعديد من املواقف الصعبة والمحرجة تجعلهم غير قادرين على الاستمتاع بوقتهم خاصة أن المعجبين يقطعون أي جلسات للمشاهير والفنانين رغبة في الحصول على صورة معهم.
أسرة حنان ترك ومعاناتهم بسبب الشهرة
وقالت الفنانة حنان ترك في أحد البرامج عندما سألت ولادك معترضوش قبل كده إن الدنيا تتلم عليكي لما يكونوا معاكي في مكان؟
قالت الفنانة “آدم بيحب الحاجات دي أوي الظيطة والهيصة وهييييه وكده ، يوسف لأ خالص ورافض مبدأ إن أنا ممثلة وهو بحكم إنه الكبير الناس تعرف اسمه فـ دايمًا لما يلاقوه معايا يقولوله ازيك يا يوسف فـ هو مش حابب إن الناس تكون عارفاه ، مرة قالي إنه ليه أتعرف قولتله عشان انت famous قالي لأ انتي اللي famous مش أنا
أفلامي مش بيحضرها معايا نادرًا لما بييجي معايا .. لما آجي أقوله تعالى معايا يقولي بعدين أشوفه ماعدا تيتو راح معايا ، عجبه الأكشن واتفرج عليه قولتله انت عاجبك الفيلم؟ قالي بنبرة غريبة كده “كويس” قولتله انت لو ناقد كنت دبـ.ـحتنا
كان سهر الليالي مرشح للأوسكار ودخلنا كذا مرحلة وفرحانين جدًا بيه فـ سألني يوسف يعني أيه أوسكار؟ وأيه فرقها عن الجوايز اللي على مكتبه .. احنا بنتبادل الجوايز جوايزه في المدرسة على مكتبي وجوايزي على مكتبه ، المهم فرجته على بروموهات للأوسكار قالي دي أكبر جايزة في التمثيل؟ قولتله اه زي لما تخلص مدرستك وتاخد الشهادة الكبيرة ومفيش مدرسة بعدها ، فـ قالي أوكيه ياااارب يا مامي تاخديها علشان بعد كده متمثليش تاني”.