هل يتخاذل “صلاح” مع منتخب مصر؟ وأسباب عدم تهديفه

الحقيقه ان الإشاده التي يأخذها صلاح في تكنيك صناعة اللعب قليله جدا جدا علي مايقدمه حقيقي أن الانظار كلها متجهه نحو القوه التهديفيه الرهيبه لصلاح لكن ده ميمنعش أن هو واحد من أفضل اللاعبين ال بتخلق فرص محققه للتسجيل، علشان كده تعالي ندخل في تفاصيل دوره مع كيروش..

قبل ماتحكم علي مستوي صلاح مع المنتخب لازم تفهم هي ادواره مع كيروش، البرتغالي قرر أن هو يستغل قدرة صلاح المميزه أثناء امتلأك الكره، وأصبح هو ال play maker ” الفعلي المنتخب، والمحرك الرئيس لكل محاولات المنتخب للوصول لمرمي المنافسين ..

صانع ألعاب ؟ صلاح بيعلب علي الطرف ياعم انت نايم ولا اي ! عزيزي متظلمنيش أنا اه نظري ضعيف بس مش للدرجه دي يعني

كيروش بيلعب 4-3-3 بالتالي مافيش صانع ألعاب بالمعني التقليدي بالتالي صناعة الألعاب بتأتي لك من لاعبي الوسط المساند ال هو ثنائي ال box to box، لكن مع المنتخب المصري بتأتي من الجناح الأيمن -محمد صلاح_

صلاح هو القوه الفاعليه للمنتخب في صناعة الفرص في الجزء الاخير من الملعب بدخوله للعمق واستغلال ميزة التمرير القطري في ضهر الدفاع، كيروش لاحظ أن محمد صلاح underrated ” جدا في قصة صناعة اللعب رغم قوته في اتقانها بالتالي غير مسار اللعب تماما وأصبح تمويل الجزء الامامي بيأتي من الجانب الأيمن مرورا بعمق الملعب، قوة صلاح في التعامل بالكره تحت ضغط هو أمر مهم بالنسبه لكيروش أن هو يبني علي خروج المنتخب بالكره من التلت الثاني الي التلت الاخير ..

صلاح نفذ 35 تمريره منها 25 بشكل صحيح بنسبة 74% قدر يخلق 3 فرص محققه للتسجيل …

لو جينا نشوف اماكن تمرير صلاح في مباراة انجولا هتلاحظ أن أغلب التمريرات من مناطق ال half space ” لعمق الملعب وعدد التمريرات من علي الخط قليله جدا وده يوضحلك اكتر تمركزات صلاح بتكون فين أغلب فترات اللقاء ولي بشكل أكبر بيكون بعيد عن الصندوق بالتالي فرص التسجيل بتكون أقل من الصناعة.