بقلم: د أحمد أبو النصر
من ٢٤ ساعة بالظبط كتبت مقال مطول عن الحفاضات وان فرنسا من سنة فاتت بالظبط سحبت عينات من الحفاضات فى السوق ووجدو فيها بواقى من المادة المسرطنة الجليفوسيت وفرنسا طالبت ساعتها كل الشركات بسحب كل المنتجات بتاعتها اللى فيها بواقى هذا المبيد ولأن تعرضك لأى مادة بتجيب سرطان دا خطر بجد مش هزار سواء ليك أو أطفالك ولأن انا ملاحظ مؤخرا انتشار الأورام فى مصر للصغار و الكبار بطريقة مرعبة فسألت سؤال برئ جدا امس ماذا فعلت مصر فى ذلك هل فعلت مثل الفرنسيين وسحبت عينات من الأسواق وحللت وجود مادة الجليوفسيت من عدمه فى الحفاضات ؟ وان لم تفعل هل الشركات ذات نفسها تحلت بالضمير وفعلت ذلك من تلقاء نفسها بدون أمرها بذلك أم لم تفعل؟ دا ملخص ماكتبت أمس ولم أكتب أى براندات على الإطلاق وإذا يامؤمن بقدرة قادر ألاقى مئات الرسايل تجيلى تقولى يادكتور هو انت قولت بامبرز بتجيب سرطان مولفيكس وبى بى جوى بيعملو سرطان هذا لم يحدث منى نهائيا بل قمت بعمل منشن لكل الشركات الكبرى المنتجة للعلامات التجارية مولفيكس بى بى جوى بامبرز وطالبتهم برد رسمى منهم بأن منتجاتهم خالية تماما من هذه البلوة وأنا طبعا محدش عبرنى منهم على الرغم ان المقال زلزل الدنيا ودا طبعا أثار الريبة والشك جوه قلبى أكتر طب أنا أفهم أيه طيب من عدم الرد معرفش الصراحة واذ بمفاجاءة أمس بأحد الأصدقاء يرسل لى فيديو لطبيب أطفال يقول أن الهلع الذى تم غير مبرر وأن مادة الجليفوسيت دى جميلة ومش ضارة وانا هنا أرد وأقوله لا ياعم الدكتور الجليفوسيت مش ضارة دى قاتلة ومدمرة و قاتلة ببطء كمان ودعنى أشرح لك قصتها كاملة وأرجوك لاتتسرع على الحكم وكان أولى بك أن تنادى مثلى تمام الشركات بأن تبرئ زمتها من وجود تلك المادة القاتلة بمنتجاتها وليس أن تبرر لهم إذا كانت موجودة وتقول للأمهات لا تقلقو لا نقلق يادكتور ونقلق ونقلق ونقلق كمان .
وأخيرا قبل أن أحكى عن قصة الجليفوسيت كاملة هجاوب على سؤال الناس سألته يعنى نستخدم أى نوع فجاوبت وقلت ولأن مفيش شركة أعلنت رسمى لنا حتى الأن بأن منتجاتها خالية من الجليفوسيت هاتو الحفاضات المستوردة من الخارج وبالأخص الأوربية أو الفرنسية لأن الفرنسيين أعلنو عدم وجود الشوائب المسرطنة فى منتجات الحفاضات فى أسواقها حتى يتم رد الشركات دى وسيتم نشر ردهم رسميا وساعتها هنجيب الحفاضة الأمنه فعلا ودا أبسط حقوق المستهلك بأنه يستخدم منتج أمن أو نرجع للكوافيل وأنا فعلا أدعوكم لده لأنها بالمنظر ده أأمن الصراحة دى كده القصة كاملة ويبقى السؤال قصة الجليفوسيت ودا موضوع المقال القادم وليه أنا مرعوب منها .
وسؤال هيه الشركات يعنى هتتشل لو كتبت على عبوتها انها خالية من بواقى مبيدات الأعشاب عادى يعنى دى ميزة مش عيب ولا أنت مش عاوز تكتب ولا عاوز ترد لحاجة فى نفس يعقوب.
دمتم بصحة
